সুৰাৰ প্ৰতি আপুনি আসক্ত নেকি? যদি আপুনি ২৮  দিনৰ বাবে সুৰা স্পৰ্শ নকৰে, শৰীৰৰ কি হ’ব, জানিলে আপুনি আচৰিত হ’ব।

দৰাচলতে, যিসকলে সুৰা পান কৰে তেওঁলোকৰ বহুতে এই আসক্তিৰ পৰা আতৰিব বিচাৰে। কিন্তু আঁতৰাৰ উপায় নাপায়। বহুলোকে নাজানে যে যদি কোনোৱে ২৮  দিনৰ বাবে সুৰা পান নকৰে, শৰীৰত কেইবাটাও সাংঘাটিক পৰিৱৰ্তন হ’ব পাৰে। আপুনি নিজেই সেই পৰিৱৰ্তনবোৰ বুজিব আৰু চাব পাৰে।

তাৰ বাবে আপুনি একেৰাহে ২৮ দিন সুৰাপান নকৰিবলৈ এক প্ৰত্যাহ্বান লওক! ই আপোনাৰ স্বাস্থ্যৰ ওপৰত স্পষ্ট প্ৰভাৱ পেলাব। আৰু সেই প্ৰভাৱ ভালৰ বাবে হ’ব।

বহুলোকে সুৰা পান কৰোঁতে ফাষ্ট ফুড বা স্নেক্স খায়। ই স্বাস্থ্য়ৰ বাবে অতি বেয়া। সুৰা পান এৰাৰ ফলত প্ৰথম সপ্তাহৰ পৰাই অপ্ৰয়োজনীয় ভোক বন্ধ কৰিব পাৰি। ফলস্বৰূপে, কিছুদিনৰ বাবে মিঠাই খোৱাৰ প্ৰৱণতা বৃদ্ধি পাব। অৱশ্যে, ই ক্ৰমান্বয়ে হ্ৰাস পাব।

দ্বিতীয় সপ্তাহৰ পৰা আপোনাৰ টোপনি ভাল হ’ব। চকুৰ তলৰ কলা ৰং লাহে লাহে আঁতৰি যাব। আনকি সঘনাই প্ৰস্ৰাৱৰ সমস্যাও কিছু পৰিমাণে হ্ৰাস পাব।

সুৰাপান ত্যাগ কৰাৰ পিছত তৃতীয় সপ্তাহৰ পৰা আপোনাৰ যকৃত পুনৰুদ্ধাৰ আৰম্ভ হ’ব। ফলস্বৰূপে, হজম আগৰ তুলনাত ভাল হ’ব। যদি দুৰ্বল হজমৰ বাবে ছাল কোঁচ খাই থাকে, ই লাহে লাহে আৰোগ্য হ’ব। সোৱাদ লোৱাৰ ক্ষমতা বৃদ্ধি হ’ব।

সুৰাপানৰ অভ্যাস এৰি যোৱাৰ পিছত, চতুৰ্থ সপ্তাহৰ পৰা আপোনাৰ ওজন নিয়ন্ত্ৰণলৈ আহিব। যদি উচ্চ ৰক্তচাপৰ সমস্যা হয়, ই নিয়ন্ত্ৰণত থাকিব। যদি কাৰ্ডিওভাস্কুলাৰ সমস্যা হয়, পৰিস্থিতি আগৰ তুলনাত ভাল হ’ব। আপুনি আগৰ তুলনাত অধিক সুস্থ অনুভৱ কৰিব। আৰু আটাইতকৈ গুৰুত্বপূৰ্ণ কথাটো হ’ল, ই যথেষ্ট ধন ৰাহি কৰিব।